| Fyrirtækið Árvirkinn ehf. var stofnaður í desember 1978 af þremur rafvirkjum á Selfossi. Starfsemin byggðist frá upphafi á alhliða þjónustu á sviði raflagna og raftækjaviðgerða og nokkrum árum síðar var opnuð verslun með hágæða raftæki og ýmis konar efni til raflagna. Umsvif og vöxtur fyrirtækisins hafa aukist mjög á undanförnum árum og hafa verkefnin verið af ýmsum toga víða um land. Eigendur eru nú níu og starfsmenn í dag eru 27. Öll starfsemi Árvirkjans, þ.e. verslun skrifstofa og verkstæði er til húsa að Eyravegi 32 á Selfossi. --------------
Það er markmið fyrirtækisins að bjóða upp á alhliða þjónustu á sviði raflagna, engin verk eru of lítil eða of stór fyrir okkur. Starfsmenn Árvirkjans hafa víðtæka þekkingu á rafmagni og öllu sem því viðkemur og menntun starfsmanna er mjög fjölbreytt. Til viðbótar við rafmagns og raflagnaþjónustu höfum við sérhæft okkur í öryggiskerfum og þjónustu í kringum þau. Fyrirtækið er þjónustuaðili fyrir brunavarna, -myndavéla -og aðgangsstýrikerfi hjá ýmsum fyrirtækjum og stofnunum ásamt því að sjá um öryggiskerfi fyrir heimili og sumarbústaði víða á Suðurlandi. Árvirkinn er samstarfsaðili Öryggismiðstöðvar Íslands. Hjá fyrirtækinu starfar líka sérfræðingur í loftræstistýringum og viðhaldi á rafmagnshlutum loftræstikerfa. |
